Toba Take Singh Mehfil e Milad Jan 2023 Report

محفل میلاد النبی ﷺٹوبہ ٹیک سنگھ

ہرسال کی طرح اس سال بھی عالمی روحانی تحریک انجمن سرفروشانِ اسلام کےعالمی مرکزی امیر حضرت سیدناپرویز اخترگوہرشاہی مدظلہ العالی کی زیرسرپرستی پورے پاکستان میں محافل میلاد النبیﷺ کی روحانی محافل کے شاندار پروگرامزمنعقد کئے گئے جن میں بےشمار مردوزن نے شرکت کی اور روحانی فیض (ذکرقلب) کو حاصل کیا۔16جنوری 2023ء کو پنجا ب کے شہرٹوبہ ٹیک سنگھ میں محفل میلاد النبیﷺ کی عظیم الشان محفل منعقد کی گئی۔محفل کاآغاز حسب دستور تلاوت قرآن مجید سے کیاگیا تلاوتِ قرآن حکیم کے بعد نعت خوانی کاسلسلہ شروع کیاگیا جس میں مختلف علاقائی نعت خواں حضرات نے آقاﷺ کی بارگاہ میںاپنی عقیدتوں اور محبتوںکے پھول نچھاور کئے۔سرکار پاک سیدنا پرویزاخترگوہرشاہی مدظلہ العالی کی جیسے ہی آمد ہوئی پورے پنڈال میں لوگوں نے کھڑے ہوکر اللہ ھو،اللہ ھو کے نعروںکے ساتھ اُن کا شاندار استقبال کیااور پھولوں کی پتیاں نچھاور کی گئیں۔سرکار پاک سب سے فرداً فرداً ملتے ہوئے اسٹیج پر اپنی مخصوص نشست پر جلوہ فرماہوئے تومحفل پاک کی کاروائی کوآگے بڑھایاگیا۔لاہور سے آئے ہوئے عالمی شہرت یافتہ نعت خواں جناب حافظ ناصر حسین گیلانی صاحب نے دف کے ساتھ اپنے مخصوص انداز میں درود پنجتن پاک ؑ سے آغازکیاجس کو بہت زیادہ پسند کیاگیا۔اس کے بعد انجمن سرفروشان اسلام کے صوبہ پنجاب کے امیر جناب ساجد سہیل صاحب نے حاضرین کو سرکار مرشد پاک حضرت سیدنا ریاض احمد گوہر ؔشاہی مدظلہ العالی کے روحانی مشن کے متعلق بتایااور قرآن وحدیث کی روشنی میں بڑے مدلل انداز میں مشن کو بیان فرمایاجس کو لوگوں نے پسند فرمایا پھر آپ نے سرکار عالمی مرکزی امیر سے درخواست کی وہ حاضرین کو ذکرقلب کی اجازت عطافرمائیں۔سرکارپاک نے تمام حاضرین محفل کو اللہ ھُو کا ذکر کرایااور اذن ذکرقلب عطافرمایا۔محفل کے اختتام پر تمام حاضرین محفل کولنگرپیش کیاگیااور سب کو اجازت عام عطاکی گئی۔