Mehfil e Milad Topi Sultan (jhang) 24 Feb 2023 Report

محفل میلاد النبی ﷺٹوپی سلطان(جھنگ)

عالمی روحانی تحریک انجمن سرفروشانِ اسلام کےعالمی مرکزی امیر حضرت سیدناپرویز اخترگوہرشاہی مدظلہ العالی کی زیرسرپرستی پورے پاکستان میں محافل میلاد النبیﷺ کی روحانی محافل کے شاندار پروگرامزمنعقد کئے گئے جن میں بےشمار مردوزن نے شرکت کی اور روحانی فیض (ذکرقلب) کو حاصل کیا۔۲۵فروری۲۰۲۳ء کوٹوپی سلطان(جھنگ)میں محفل میلاد النبیﷺ کی عظیم الشان محفل منعقد کی گئی۔محفل کاآغاز حسب دستور تلاوت قرآن مجید سے کیاگیا تلاوتِ قرآن حکیم کے بعد نعت خوانی کاسلسلہ شروع کیاگیا جس میں مختلف علاقائی نعت خواں حضرات نے آقاﷺ کی بارگاہ میںاپنی عقیدتوں اور محبتوںکے پھول نچھاور کئے۔سرکار پاک حضرت سیدنا پرویزاخترگوہرشاہی مدظلہ العالی کی جیسے ہی آمد ہوئی تولوگوں نے کھڑے ہوکرآپ کا والہانہ استقبال کیا اور اللہ ھو،اللہ ھو کے پرجوش نعروںکے ساتھ اُن کا شاندار استقبال کیااور پھولوں کی پتیاں نچھاور کی گئیں۔ آپ کے ساتھ آئرلینڈسے تشریف لائے ہوئے آل فیتھ اسپریچول موومنٹ کے چیف آرگنائزرجناب زاہد گلزار صاحب بھی تھے۔اس کے علاوہ سرکار پاک کی فیملی کے معززافراد بھی ہمراہ تھے،سرکار سب سے فرداً فرداً ملتے ہوئے اسٹیج پر اپنی مخصوص نشست پر جلوہ افروزہوئے تومحفل پاک کی کاروائی کوآگے بڑھایاگیا۔لاہور سے آئے ہوئے عالمی شہرت یافتہ نعت خواں جناب حافظ ناصر حسین گیلانی صاحب نے دف کے ساتھ اپنے مخصوص انداز میں درود پنجتن پاک ؑ سے آغازکیاجس کو بہت زیادہ پسند کیاگیا۔اس کے بعد انجمن سرفروشان اسلام کے صوبہ پنجاب کے امیر جناب ساجد سہیل صاحب نے حاضرین کو سرکار مرشد پاک حضرت سیدنا ریاض احمد گوہر ؔشاہی مدظلہ العالی کے روحانی مشن کے متعلق بتایااور قرآن وحدیث کی روشنی میں بڑے جامع انداز میں مشن کو بیان فرمایاجس کو لوگوں نے پسند فرمایا پھر آپ نے سرکار عالمی مرکزی امیر سے درخواست کی وہ حاضرین کو ذکرقلب کی اجازت عطافرمائیں۔سرکارپاک نے تمام حاضرین محفل کو اللہ ھُو کا ذکر کرایااور اذن ذکرقلب عطافرمایا۔محفل کے اختتام پر تمام حاضرین محفل کولنگرپیش کیاگیااور سب کو اجازت عام عطاکی گئی۔