عیدالاضحی رپورٹ 2024

عیدالاضحی رپورٹ

مورخہ 17جون 2024ء بروز پیرمرشد پاک کے آبائی گائوں ڈھوک باباگوہرؔعلی شاہؒ ،گوجرخان میں نمازِ عید کی ادائیگی کے لئے سرکارپاک مسجد میں تشریف لائے توذاکرین نے اُن کاپرجوش استقبال کیااور پھولوں کی پتیاں نچھاورکیں اور اللہ ھُو،اللہ ھُو کے ذکر کیاگیا۔مسجد میں کمپئیرنگ کے فرائض جناب غلام حسین گیلانی صاحب نے اداکئے۔نمازِ عید جناب حاجی عبدالحفیظ صاحب نے پڑھائی۔بعدازنمازِ عید سرکارمرشد پاک فرداًفرداً ذاکرین سے عید ملے اور پھر دربارقبلہ اَباجی حضورؒ (مرشد پاک کے والد ِ گرامی) پر تشریف لے گئے جہاں پر محفل ذِکرکااہتمام کیاگیاتھا۔

خطبہ استقبالیہ پنجاب کے امیر جناب ساجد سہیل صاحب نے پیش کیااور تمام ذاکرین کوعیدالاضحی کی مبارکباد پیش کی اور سرکار مرشد کریم کے دِیدارکی بھی مبارکباد دی۔محب بھائی نے راہِ سلوک میں پیش آنیوالی شیطانی ونفسانی خرابیوں پر مختصر روشنی ڈالی۔منقبت غوثیہ کی سعادت جناب مہر اللہ یارصاحب نے حاصل فرمائی جن کا تعلق اٹھارہ ہزاری (جھنگ) سے تھا۔مرشد پاک کا قصیدہ پڑھنے کی سعادت حاصل کی جناب مہر ضمیر صاحب نے جن کا تعلق بھی جھنگ سے تھا۔اُس کے بعد سرکارمرشد پاک کاقصیدہ پڑھنے کی سعادت جناب ارسلان صاحب نے حاصل کی اور سرکار کاقصیدہ پیش فرمایاجس کو تمام شرکاء نے پسند فرمایا۔محفل ذِکرالٰہی سرکار مرشد پاک نے خود کرائی اور اِس محفل کی اختتامی دُعا جناب حاجی عبدالحفیظ صاحب نے کرائی،محفل کے بعد تمام ذاکرین اور شرکاء کو مرکزی آستانہ پر پرتکلف لنگرپیش کیاگیااور سب کو اجازتِ عام دی گئی۔