Mehfil Milad e Mustafa Lahore Jan,2024

محفل میلادِ مصطفیٰ ﷺ (لاہور)

مورخہ 23جنوری2024،بروز منگل انجمن سرفروشانِ اسلام انٹرنیشنل لاہورکے زیر اہتمام سورج میرج ہال،فیروزپورروڈلاہور

میں مرشد پاک حضرت سیدناپرویزاخترگوہرؔشاہی مدظلہ العالی کی زیرصدارت ایک شاندار محفل میلادِ مصطفیٰ ﷺ منعقد کی گئی جس میں لاہوربھر سے خواتین و حضرات نے بھرپور شرکت کی۔میرج ہال کے دوحصے کرکے ایک باپردہ حصہ خواتین کے لیے مخصوص کردیاگیا تھا جس میں خواتین نے اس محفل کی کاروائی کوبراہ راست سماعت کیا۔شام 6بجے مہمانانِ گرامی سورج میرج ہال پہنچے تو اُن کا پرجوش استقبال کیاگیا اور پھولوں کی پتیاں نچھاور کی گئیں۔اسٹیج کو نہایت خوبصورتی کے ساتھ سجایاگیاتھا اور ہال اپنی گنجائش کی حد تک بھراہواتھا۔محفل کا باقاعدہ آغاز بعدازنمازِ عشاتلاوت قرآن مجید سے کیاگیا۔جناب چوہدری عثمان اور جناب اشفاق احمد نے کمپیئرنگ کے فرائض سرانجام دئیے۔جناب حاجی خالد رشید نے تلاوت کی سعادت حاصل کی۔جناب محمد اشفاق نے حمد باری تعالیٰ پیش کی۔جناب محمد کبیررضوی،جناب شوکت سبطین،جناب محمد حارث اور جناب حافظ ناصر گیلانی نے بارگاہِ مصطفیٰ ﷺ میں نعتوں کے نزرانے پیش کیے۔جناب حافظ ناصرگیلانی نے مولاعلی کرم اللہ وجہہ،پنجتن پاکؑ اور سرکار غوث پاکؒ کی شان میں مناقب پیش کیں اور مرشد کریم کی شان میں قصائد پیش کیے۔

جناب محمد ساجد سہیل نے شرکائے محفل سے خطاب کرتے ہوئے کہ کہ دِل کی اتھاہ گہرائیوں سے آپ کومبارکباد پیش کرتے ہیں اور اُن کے شکرگزار ہیں جنہوں نے اس محفل کو سجانے میں دامے درمے سخنے حصہ لیا۔اُنہوں نے کہا کہ یہ مہینہ مولاعلی کرم اللہ وجہہ کی پیدائش کا مہینہ ہے اور معراجِ مصطفیٰ ﷺ کامہینہ بھی ہے۔یہ تمام مسلمانوں کے لیے رحمتوں برکتوں اور گناہوں سے چھٹکارے کامہینہ ہے۔اُنہوں نے حدیث مبارکہ بیان کرتے ہوئے فرمایاکہ :۔ فرمان نبویﷺ ہے :۔ ہرچیز کی صفائی کاکوئی نہ کوئی آلہ ہے اور قلوب کی صفائی کاآلہ اللہ کاذکرہے۔نیز فرمان الٰہی ہے کہ جب تم نمازوں سے فارغ ہوجاو تو اللہ کاذکرکروکھڑے بیٹھے اور کروٹوں کے بل۔ہروقت تب ذکرہوسکتاہے جب آپ اپنے قلب کو اللہ کے ذکرمیں لگالیں۔اور قلب اُس وقت اللہ اللہ کرتاہے جب کوئی کامل مرشد اُس پر اپنی نوری نگاہ ڈالتاہے۔ہرزمانے میں اور ہر دور میں یہ سلسلہ جاری رہاہے دورِ حاضرمیں ہمارے مرشد کریم حضرت سیدنا ریاض احمد گوہرؔشاہی مدظلہ العالی اس فیض کو بانٹ رہے ہیں ۔جولوگ چاہتے ہیں کہ اُنکے دل بھی ہر وقت اللہ اللہ کرتے رہیں تووہ مرشد پاک کی زبان اقدس کے ساتھ اللہ ھُو،اللہ ھُو پڑھتے رہیں اُنہیں ذکر کی اجازت ہوجائے گی۔

حاضرین محفل کے اصرارپر قبلہ مرشد پاک نے سب کو ذکرقلب کی اجازت عطافرمائی۔اس کے بعد محفل سماع منعقد کی گئی جناب محمد خالد اور ہمنوا نے نعتیہ اور عارفانہ کلام پیش کیا اور شرکائے محفل سے داد وصول کی۔رات دس بجے محفل کا اختتام درود وسلام اور دعائے خیر پرکیاگیا۔