Mehfil e Milad Bangyal (Islamabad) Report

mehfil e milad bangyal (islamabad) report

محفل میلاد پاک :۔ بنگیال (اسلام آباد)

رپورٹ

مورخہ 21 جنوری،2024 بروزاتوار انجمن سرفروشانِ اسلام انٹرنیشنل راولپنڈی کے زیر اہتمام اسلام آباد کے علاقے بنگیال میں ایک عظیم الشان محفل میلاد النبی ﷺ قبلہ مرشد پاک حضرت سیـدنا پرویزاخترگوہرشاہی مدظلہ العالی کی زیر صدارت منعقد کی گئی جس میں راولپنڈی،اسلام آباد اور گردونواح کے ذاکرین کے علاوہ مقامی آبادی نے بھرپور شرکت فرمائی۔محفل کی میزبانی جناب عبدالحمید اور قمر صاحب نے کی۔یہ محفل میلاد النبی ﷺپنجاب بھر میں محافل منعقدکرانے کے سلسلے کے دوسرے مرحلے کاپہلاپروگرام تھا۔دوپہر1بجے مرشد پاک وہاں پہنچے تو اُن کااستقبال ایک موٹرسائیکل ریلی نے کیا اور اختتام پر موجود حاضرین نے پھولوں کی پتیاں نچھاور کرکے اُنہیں خوش آمدید کہا۔محفل کاآغازدوپہر پونے دو(2)بجے تلاوت کلام پاک سے کیاگیا۔سیدحسن منظورگیلانی نے تلاوت کی سعادت حاصل کی۔جناب محمد اشفاق نے کمپیئرنگ کے فرائض سرانجام دئیے۔جناب محمدعثمان،جناب حافظ نعمان قادری،جناب سید منظور گیلانی اور جناب حافظ ناصر گیلانی نے بارگاہِ رسالت ﷺ میں نعتوں کے نزرانے پیش کئے۔جناب نعمان قادری،جناب ناصر گیلانی ودیگرنے مولیٰ علی کرم اللہ وجہہ،پنجتن پاکؑ اور سرکار غوث الاعظم ؒکی شان میں مناقب اور مرشد کریم کی شان میں قصائد پیش کیے۔

جناب ساجد سہیل نےخطاب میں تمام شرکائےمحفل کومبارکبادپیش کرتے ہوئے کہاکہ یہ ہماری خوش نصیبی ہے ہم آج یہ محفل منعقد کررہے ہیں اور اس کی برکتوں سے فیض یاب ہورہے ہیں۔اُنہوںنے فرمایا کہ یہ مہینہ رجب المرجب کامہینہ ہے جو مولاعلی ؑ کی پیدائش مبارک کامہینہ ہے۔حضور پاکﷺ نے فرمایا کہ اللہ پاک نے مجھے اور علی ؑ کو ایک ہی نور سے پیدافرمایا۔اُنہوںنے مرشد کریم کی تعلیمات پربات کرتے ہوئے فرمایا کہ جب تک انسان زبان سے کلمہ پڑھتارہتاہے وہ مسلمان ہوتاہے لیکن جب وہ اپنے دل سے کلمہ پڑھتاہے تو مومن بنتاہے۔یہ اولیائے اللہ ہی ہیں جوانسان کے دل کے کلمہ پڑھاتے ہیں اور یہ سلسلہ ہرزمانے میںجاری رہاہے۔دورِ حاضر میں ہمارے مرشد پاک حضرت سیـدناریاض احمد گوہرؔشاہی مدظلہ العالی کی نظرکیمیاسے بے شمار قلوب اللہ کے ذکر سے جاری وساری ہیں۔

اُن کے خطاب کے بعد سرکار مرشد پاک نے حاضرین کو ذکرقلب کی لازوال نعمت عطافرمائی ۔محفل کااختتام شام 4بجے درودوسلام اور دعائے خیر پرہوا۔خواتین کی محفل دوپہر2بجے تلاوت کلام پاک سے شروع ہوئی اور ساڑھے تین بجے درودوسلام اور دعائے خیر پر اختتام پذیرہوئی۔